झापा / सञ्चार तथा सूचना प्रविधि मन्त्री जगदीश खरेलले राजनितिक दलका शिर्ष नेतासँग भेटवार्ता गरेका छन् ।
यस अगाडि नेपाली काङ्ग्रेसका सभापति शेरबहादुर देउवासँग भेटवार्ता गरिसकेका खरेरलले आजै एमाले अध्यक्ष केपी शर्मा ओली र नेपाली कम्युनिष्ट पार्टीका संयाेजक पुष्पकमल दाहालसँग भेटवार्ता गरेका हुन् ।
सरकारी राजनीतिक संवाद समितिका सदस्य समेत रहेका मन्त्री खरेलले शुक्रबार शिर्षदलका नेताहरुलाई भेटेर समसामयिक राजनीतिक विषयमा छलफल गरेकाे स्रोतले जनाएको छ। भेटमा आगामी प्रतिनिधि सभा निर्वाचनको तयारी, निर्वाचन वातावरण निर्माण र प्रमुख राजनीतिक दलहरूबीच सहमति कायम गर्ने विषयमा कुराकानी भएको बताइएको छ।
भक्तपुरको गुण्डुस्थित निवास पुगेर खरेलले ओलीसँग भेट गरेका छन् । भेटका क्रममा समसामयिक राजनीतिक अवस्थाका साथसाथै फागुन २१ गते तोकिएको निर्वाचनका सन्दर्भमा छलफल भएको सञ्चारमन्त्रीको सचिवालयले जनाएको छ ।
सो क्रममा सञ्चारमन्त्रीले ओलीलाई शनिबार तय भएको तीन दलका शीर्ष नेता र प्रधानमन्त्रीबिचको वार्ताका लागि निम्तापनि दिएको बताइएको छ । यसअघि आजै खरेलले कांग्रेस सभापति शेरबहादुर देउवालाई पनि भेटेका थिए भने ओलीपछि प्रचण्डसँग भेटवार्ता गरेका छन् ।
प्रतिनिधि सभा निर्वाचन गर्ने तयारी गरिरहेका बेला भएको भेटघाटलाई राजनीतिक दलहरूबीच सहमति खोज्ने प्रयासका रूपमा हेरिएको छ।
