झापा । भद्रपुर ३ ज्ञानेचाेकका एक युवक ब्राउन सुगरसहित पक्राउ परेका छन् । पक्राउ पर्नेमा झापा भद्रपुर नगरपालिका वडा न. ३ ज्ञाने चोक बस्ने अजय तामाङ्को छोरा अन्दाजि वर्ष १७ को आयुष तामाङ् रहेकाे प्रहरीले जनाएकाे छ ।
घटना विवरण अनुसार आइतबार साँझ ५ बजेको समयमा भद्रपुर नगरपालिका वडा न.३ आपगाँछी स्थित वडा प्रहरी कार्यालय भद्रपुरबाट खटिएको गस्ती टोलीले चेकजाँच गर्ने क्रममा भारतबाट भद्रपुर तर्फ आउँदै गरेको साईकल यात्री तामाङकाे साथमा रहेकाे प्लाष्टिकले पोका पारी लुकाइ छिपाइ ल्याउँदै गरेको लागुऔषध (ब्राउन सुगर) जस्तो देखिने लिसाइलो पदार्थ प्लाष्टिक सहित ९ ग्राम ११०मिलिग्राम र प्लाष्टिक बाहेक ८ ग्राम ३१० मिलिग्राम फेला पारी नियन्त्रणमा लिई वडा प्रहरी कार्यालय भद्रपुरमा ल्याइ राखिको छ भने थप अनुसन्धान तथा कानुनी कारबाहीको लागि जिल्ला प्रहरी कार्यालय झापा पठाउने कार्य भइरहेको जनाइएकाे छ |
