झापा / ‘स्मार्ट मनी टक्स’ भन्ने मूल नाराकासाथ नेपाललगायत विश्वभर ग्लोबल मनी विक मनाइदै छ ।
झापाको
भद्रपुरमा पनि विभिन्न लघुवित्त कम्पनीहरुले यहि चैत २ देखि ८ सम्म विविध
कार्यक्रमको आयोजना गरेर ग्लोबल मनी विक मनाउदै छन् ।
साताव्यापी
कार्यक्रम अन्तर्गत लघुवित्त कर्माचारी मिलन केन्द्र भद्रपुरको संयोजकमा आज
शुक्रबार बिहान भद्रपुर ८ स्थित सगरमाथा चौकबाट प्रभात फेरी निकालेर क्याम्पस मोड, एसपी मोड हुँदै लेखनाथ चौकमा आएर समापन भएको
थियो । प्रभात फेरीको र्यालीमा विभिन्न प्ले कार्ड बोकेर "ग्लोबल मनी विक सफल पारौं" । "बचत गर्ने बानीको विकास गरौं" जस्ता नारा पनि लगाएका थिए ।
उक्त
प्रभात फेरीमा नेरुडे मिर्मिरे, ग्लोव आई एम ई, स्वावलम्बन, निर्धन उत्थान, जिवन विकास, हिमालयन, एन आइ सी,
सुर्योदय वोमी, आरम्भ चौतारी, फर्वाड, मेरो माइक्रो, एन एम सी, नाडेप र नेश्नल लघुवितको
सहभागिता रहेको थियो ।
बालबालिका
र युवामा वित्तीय साक्षरता अभिवृद्धि गर्दै वित्तीय ज्ञान, सिप र मनोवृत्तिको विकास गर्ने उद्देश्यका साथ
अर्गनाइजेसन फर इकोनोमिक कोअपरेसन एन्ड डेभलपमेन्ट (ओइसीडी) को संयोजनमा सन् २०१२
देखि हरेक वर्ष ग्लोबल मनी विक विश्वभर मनाउँदै आइएको छ । यो विश्वव्यापी वित्तीय
चेतनामूलक अभियान हालसम्म १७६ मुलुकका सात करोडभन्दा बढी बालबालिका र युवामाझ
पुगिसकेको छ ।
यो
कार्यक्रममा वित्तीय प्रणालीमा आबद्ध संस्थाको सक्रिय सहभागिता रहने राष्ट्र
बैङ्कले जनाएको छ । राष्ट्र बैङ्कले यसको अतिरिक्त अन्य सङ्घसंस्था र सरोकारवाला
निकाय पनि यस अभियानमा आबद्ध हुन सक्ने भएकाले वित्तीय साक्षरता अभिवृद्धिमा
क्रियाशील सम्पूर्ण सङ्घसंस्था र निकायलाई अभियानमा सहभागी भई ग्लोबल मनी विक भव्य
रूपमा मनाउनका सरोकारवाला निकायलाई आग्रह पनि गरेको छ ।
प्रभात फेरी समापनको क्रममा लघुवित्त कर्माचारी मिलन केन्द्र भद्रपुरका कोषाध्यक्ष तथा नेश्नल लघुवित्त वित्तिय संस्था भद्रपुरका शाखा प्रमुख दिलिप कुमार राईले यो कार्यक्रम सन् २०१२ देखि मनाउँदै आएको बताए ।
त्यसैगरि
केन्द्रका अध्यक्ष तथा नेरुडे मिर्मिरे लघुवित्त वित्तिय संस्था भद्रपुरका शाखा
प्रमुख नरेश तिरुवाले सहभागी सबैलाई धन्यबाद ज्ञापन गरेका थिए ।
धन्यबाद