झापा । ललितपुरको गोदावरीस्थित आनन्द जंगलमा डढेलो लागेको छ भने डढेलाे नियन्त्रण गर्ने क्रममा दुई जना घाइते भएका छन् ।
गोदावरी नगरपालिका वडा नम्बर ६ मा रहेको आनन्द जंगलमा सोमबार रातीदेखि डढेलो लागेको थियो।
जंगलमा लागेको डढेलो फैलिएर नजिकैको कृष्ठरोग अस्पतालसम्म आउन सक्ने भएकोले निभाउन कोसिस गरिएको थियो।
आगो निभाउन गएका दुई जना घाइते भएको जिल्ला प्रहरी कार्यालय ललितपुरका एसएसपी शेखर खनालले बताए।
एसपी खनालका अनुसार वनमा लागेको डढेलाे फैलिएर अस्पतालनजिकै आइपुगेकाले बिरामीलाई अन्यत्र सारिएको छ, भने घाइते भएकाहरूको नाम खुलेको छैन।
डढेलो नियन्त्रणका लागि प्रहरी टोली र स्थानीय खटिएका छन्। डढेलो नियन्त्रणको प्रयास भइरहेको उनले बताए।
