झापा । नगरको पहिचान र गौरव बन्दै गएको श्रीकृष्ण
रथयात्रा यो वर्षपनि सभ्य र भव्य तरिकाले सम्पन्न गरिएकाे छ । विगत २१
वर्षदेखि झापाको सदरमुकाम भद्रपुरमा मनाइँदै आइरहेको भगवान् श्री कृष्ण
रथयात्रा विहीबार राती ९ बजे समापन गरिएकाे हाे ।
रथयात्रा विहीबार बिहान ११ बजे
उदघटन हुने भनिएपिन प्राविधिक कारणले दिउँसाे पाैने १ बजेबाट शुरू भएकाे थियाे । नगरप्रमुख गणेश पोखरेलले पूजापाठ गरेर भद्रपुर ५ स्थित लक्ष्मीनारायण
मन्दिरबाट रथयात्रा शुरु भएकाे थियाे । रथयात्रा आपगाछी, ज्ञानेचोक, झापा चाेक,
भानुचाेक, सङ्गम, सगरमाथा, गायत्री मन्दिर , किरात कोलनी , चन्द्रगढीको
ट्रेड यूनियन चाेक लेखनाथ चोक हुदै एसपी माोड, क्याम्पस मोड, प्रादेशिक
अस्पताल, गणेश मन्दिर जनता चाेक हुदै पुनः भद्रपुरको लक्ष्मीनारायण मन्दिर
पुगेकाे थियाे । रथयात्राकाे क्रममा विभिन्न संघ-संस्था ,उद्योगी,व्यवसायी,स्थानीय, धर्मानुरागी लगायतले
रथको पूजा गर्दै सर्वत पानी र खाजा निःशुल्क वितरण गरेका थिए । राती ९ बजे लाखेको बधगरी याे वषार्काे पर्व सम्पन्न भएकाे श्रीकृष्ण रथयात्रा समितिका अध्यक्ष
किरण भारतीले जानकारी दिए । रथयात्राकाे परिक्रमा अवधिभर देशप्रदेश खबरले फेसबुक लाइभ गरेकाे थियाे ।
नगरका
धार्मिक व्यक्तित्व, समाजसेवी, नगरवासी, उद्योगी, व्यापारी र राजनीति दलको
प्रयासमा तत्कालिन वसन्त तुलाधरको अध्यक्षतामा समिति गठन गरी वि.सं. २०५९
सालमा काठको पाङ्ग्रा भएको रथ बनाएर भद्रपुरमा पहिलो पटक रथयात्रा सञ्चालन
गरेको इतिहास छ ।
