झापा । झापामा सशस्त्र प्रहरीले ६ महिनाको अवधिमा २४ लाख ४ हजार मूल्य बराबरको पशुचौपायाबाट राजस्व संकलन गरेको छ ।
सशस्त्र प्रहरी बल गण नम्बर २ झापाको विभिन्न यूनिटबाट खटिएको प्रहरी गस्ती टोलीले फागुन १ गते देखि ०८१ भदौ ५ गतेसम्मको उक्त राजस्व संकलन गरेको सो कार्यालयले जनाएको छ ।
कार्यालयका सूचना अधिकारी एवम डिएसपी सुमन पोखरेलले दिएको जानकारी अनुसार सो अवधिमा ५०२ वटा गाई गोरुबाट २२ लाख ३५ हजार रुपैयाँ र ७ वटा राँगा भैसीबाट १ लाख ६५ हजार रुपैयाँ गरी जम्मा ५०९ वटा पशु चौपायाबाट २४ लाख ४ हजार बराबरको राजस्व संकलन गरिएको जानकारी दिए ।
उल्लेखित पशुचौपाया भन्सार बुझाइएको उनले बताए ।
