झापा । झापामा ६४.२४ प्रतिशत मत खसेको छ ।
जिल्ला निर्वाचन कार्यालय झापाले दिएकाे जानकारी अनुसार कुल ७ लाख १३ हजार ५३७ मतदातामध्ये ४ लाख ५८ हजार ३६२ जनाले मतदानमा भाग लिएका हुन् । २ लाख ४२ हजार ५७५ महिला र २ लाख १५ हजार ७८५ जना पुरुषले मतदानमा सहभागिता जनाएका छन् । सबैभन्दा बढी क्षेत्र नं ५ मा १ लाख ६हजार३७२ जना मतदाताले मताधिकार प्रयोग गरेका छन् । त्यसपछि क्षेत्र नं २ मा ९६ हजार २५३ , क्षेत्र नं ३ मा ८८ हजार ४४९ , क्षेत्र नं १ मा ८३ हजार ८२२ र क्षेत्र नं ४ मा ८३हजार ४६६ जनाले मतदान गरेका छन् ।
झापामा २०७९ सालको प्रतिनिधि सभा तथा प्रदेश सभाको निर्वाचनमा ७०.४७ प्रतिशत मतदान भएको थियो । त्यसबेला जिल्लामा ६ लाख ४६ हजार २३४ मतदातामध्ये २ लाख १८ हजार २६५ पुरुष, २ लाख ३७ हजार १५२ महिला र अन्य गरी ४ लाख ५५ हजार ४१७ जनाले मतदान गरेका थिए । २०७४ सालको अघिल्लो निर्वाचनमा झापामा ५ लाख ८५ हजार एक सय ६६ मतदाता रहेकामा ७२ प्रतिशत मतदान भएको थियो। २०७९ मा मतदाताको संख्या बढेपनि अघिल्लो निर्वाचनभन्दा २ प्रतिशत कम मत खसेको थियो ।
