साङ्केतिक तस्वीर
झापा । मोटरसाइकल दुर्घटनामा बुबाको मृत्यु भएको छ भने छोरा घाइते भएका छन् । झापा गाउँपालिका वडा नं.३ फुलगाछी चोकस्थित कुमरखोद– सुरुङ्गा सडकखण्डमा आज दिउँसो सुरुङ्गाबाट झापातर्फ जाँदै गरेको प्रदेश १–०१–०१६–१६१२ नम्वरको मोटरसाइकल आफै अनियन्त्रित भई दुर्घटना भएको थियो । दुर्घटनामा मोटरसाइकल चालक सोही ठाउँ बस्ने ५४ वर्षीय निजामुदिन मियाँ र मोटरसाइकलमा पछाडी सवार उनका छोरा १९ वर्षीय सालेमान मियाँ घाइते भएका थिए ।
घाइतेहरुलाई तत्काल उपचारको लागि बिर्तासिटी अस्पताल बिर्तामोड
पठाएकोमा अस्पताल पुर्याउनासाथ डाक्टरले चेकजाँच गर्दा चालक निजामुदिन
मियाँको मृत्यु भइसकेको जिल्ला प्रहरी कार्यालय झापाले जनाएकाे छ । बायाँ हातमा चोट लागेका घाइते सालेमान
मियाँको सोही अस्पतालमा उपचार भइरहेको जिल्लाका डिएसपी कृष्णकुमार चन्दले जानकारी दिए ।
