झापा / राष्ट्रिय स्वतन्त्र पार्टीका सभापति रवि लामिछाने आज पार्टी कार्यालय जाने भएका छन् ।
सहकारी ठगीसम्बन्धी मुद्दामा धरौटी तिरेर शुक्रबार रिहा भएका लामिछानेलाई वनस्थलीस्थित घण्टीघर नजिकैको पार्टी कार्यालयमा दिउँसो ३ बजे स्वागत गर्ने कार्यक्रम राखिएको पार्टी प्रवक्ता मनिष झाले जानकारी दिएका हुन् ।
रिहा भएपछि लामिछाने चितवन पुगेका थिए भने शनिबार कार्यकर्तालाई सम्बोधन गरी काठमाडौं फर्किएका थिए । रास्वपाले उनी तत्काल पार्टीको मुख्य जिम्मेवारीमा फर्किने जनाएको छ ।
