साङ्केतिक तस्वीर
झापा । आज राति खण्डग्रास चन्द्रग्रहण लाग्नेछ । आज रातीको १ बजेर १९ मिनेटबाट सुरु हुने यस ग्रहण १ बजेर ५९ मिनेटसम्म रहनेछ भने यस ग्रहणको पुर्ण अन्त्य २ बजेर ३८ मिनेटमा रहनेछ । एक घण्टा १९ मिनेट यस ग्रहणको अवधि रहनेछ । अश्विनी नक्षत्रमा मेष राशीमा यस ग्रहण निहित रहेको खगोलशास्त्रीहरुले बताएका छन ।चन्द्र ग्रहणको सुतक काल सामान्यतया ग्रहण लाग्नु ९ घण्टा अगावै सुरु हुन्छ । यस पछि कुनै पनि शुभ कार्य नगर्न सल्लाहा दिइएको छ ।
सामान्यतया ग्रहणलाई नराम्रो रूपमा व्याख्या गरिएको पाइएता पनि यो प्रकृतिको एउटा सामान्य प्रक्रिया हो तथापि केही हदसम्म मानवको संवेग, व्यवहार र सामाजिक अन्तरक्रिया पद्धतिहरूमा असर पर्न सक्ने ठहर छ । राष्ट्रिय सङ्कट, सामाजिक पृष्ठभूमि आदि इत्यादिसँग ग्रहणलाई जोडेर हेर्ने चलन भएता पनि चन्द्र ग्रहणको असर केवल व्यक्तिगत पक्षमा मात्र रहेको बताइन्छ ।
ग्रहण पश्चात दानपूण्यका काम गर्ने, ग्रहण अवधिभर खानपिन नगर्ने, कीर्तन भजन गर्ने चलन सदियौंदेखि चलिआएको छ । ग्रहण पछि खोला वा तीर्थस्थलमा स्नान गर्ने चलन पनि छ ।
