झापा / विदेश पठाइदिने भनेर १२ लाख माथि ठगेको आरोपमा प्रहरीले ४ जना पक्राउ गरेकाे छ ।
वैदेशिक रोजगारीको प्रलोभनमा पारेर रकम लिएपछि सम्पर्कबिहीन भएकाहरूलाई काठमाडौँको विभिन्न स्थानबाट पक्राउ गरिएको हाे
यसरी पक्राउ पर्नेमा पर्सा घर भएका ३७ वर्षीय तुफायल मिया जोलाहा, काठमाडौँको कीर्तिपुर घर भएका ५३ वर्षीय सहनसिल महर्जन, रौतहट परोहा घर भएका २० वर्षीय विक्रम शाह र बाँके घर भएका २७ वर्षीया हरिकला खाँण ठकुरी छन् ।
जोलाहाले माल्दिभ्स पठाउँछु भनेर २ लाख ३० हजार र सहनसिल महर्जनले पोल्याण्ड पठाउँछु भनेर ६ लाख २५ हजार ठगेको प्रहरीको अनुसन्धानबाट थाहा भएको छ ।
बिक्रम साहले युएई पठाउँछु भनेर २ लाख १० हजार तथा हरिकलाले २ लाख २३ हजार ठगेको उपत्यका अपराध अनुसन्धान कार्यालयका एसपी काजी कुमार आचार्यले जानकारी दिए ।
आरोपीहरूलाई प्रहरीले कानुनी कारवाहीका लागी वैदेशिक रोजगार विभाग ताहाचलमा पठाएको छ ।
