झापा । काेशी प्रदेशका पूर्व मुख्यमन्त्री केदार कार्की पक्राउ परेका छन् । १० वर्षमुनिका बालबालिकाको विशिष्टीकृत उपचार सेवा निशुल्कलगायतका माग राखेर अनशन बसेका कार्कीलाई प्रहरीले पक्राउ गरेको हाे ।
प्रदेशसभा सचिवालय अगाडि अनशन बसेका पूर्वमुख्यमन्त्री कार्कीलाई प्रहरीले मंगलबार साँझ पक्राउ गरेको हो ।
निषेधित क्षेत्रमा अनसन बसेका कारण पक्राउ गरेकाे प्रहरी नायव उपरीक्षक ज्ञानेन्द्रबहादुर बस्नेतले जानकारी दिए ।
यसअघि पूर्वमुख्यमन्त्री कार्कीलाई प्रहरीले हटाउन खोजेपछि उनका समर्थक र प्रहरीबीच झडप भएको थियो ।
