झापा । ताप्लेजुङमा सडकमा लत्रिएको बिजुलीको तारमा छोएर जीप दुर्घटना हुँदा झापा भद्रपुरका पाैडेल दम्पतीसहित चार जनाको मृत्यु भएको छ। दुर्घटनामा परी थप दुई जना गम्भीर घाइते भएका छन्।
मृत्यू हुनेमा झापा भद्रपुर ८ का ७० बर्षीय विनोद पौडेल , निजको श्रीमती वर्ष ६९ कि सरिता पौडेल , फुङलिङ नगरपालिका वडा न १० का सवारी चालक दुर्गा भट्टराइ र भद्रपुर मावली घर भइ हाल ललितपुर निवासी वर्ष १६ कि आध्या आचार्य रहेकाे जिल्ला प्रहरी कार्यालय ताप्लेजुङ्ले जनाएकाे छ ।
घटना विवरण अनुसार झापाबाट आफ्नो सवारी लिइ आइतबार(हिजो) ताप्लेजुङ गएका उनिहरुलाइ (साेमबार)आज विहान ताप्लेजुङ्बाट पाथिभरा दर्शन गर्न अर्को भाडाको गाडी लिएर गएको प्रहरीले जनाएकाे छ ।
यात्रु लिएर पाथीभरातर्फ जाँदै गरेको मे१ज ३०११ नम्वरको जीप पाथीभरा क्षेत्रको सेवारो चोकमा साेमबार(आज) बिहान दुर्घटनामा परेको थियो । बिजुलीको पोलबाट लत्रिएको तारमा जीपले छोएपछि आगलागी भएको र दुर्घटनामा परेको जिल्ला प्रहरी कार्यालय ताप्लेजुङका डिएसपी रवि रावलले जानकारी दिए ।
उनका अनुसार दुई पुरुष र दुई महिला गरी चारजनाको घटनास्थलमै मृत्यु भएको छ भने दुई जना घाइतेलाई उपचारका लागि जिल्ला अस्पताल पठाइएकाे जनाए । घाइतेहुनेहरूमा ललितपुरकी ४५ बर्षीय सविना आचार्य र उनका १० वर्षीय छोरा अभियम आचार्य भएकाे उनकाे भनाइ छ । आमाको अवस्था गम्भीर रहेको उनले जनाए । उनलाई थप उपचारका लागि लैजान हेलिकोप्टर झिकाउने प्रयास भइरहेको रावलले जानकारी दिए। उनका १० वर्षीय छोराको पनि उपचार भइरहेको उनले जनाए । जीप यात्रु लिएर बिहान करिब ५ बजेतिर सदरमुकाम फुङलिङबाट हिँडेको प्रहरीकाे भनाइ छ ।
