झापा । झापामा अत्यधिक रुपले लागूऔषधको प्रयोग, दुर्व्यसन र ओसार –पसार बढेर गएको भन्दै पूर्व प्रहरी सङ्गठन नगर समिति भद्रपुर झापाले सचेतना अभियानलाई निरन्तरता दिदै आईरहेको छ । लागूऔषध दुर्व्यसन न्यूनिकरणका लागि सो समितिले भद्रपुर नगरपालिकासँग समन्वय गरेर विद्यालय स्तरमा विद्यार्थीहरुलाई सचेतना जगाउँदै न्यूनिकरणका लागि कार्यक्रम सञ्चालन गरिरहेको हाे ।
समितिले आइतबार भद्रपुर ३ का अरनीको माध्यमिक विद्यालय र चन्द्रभानु माध्यमिक विद्यालयमा अध्ययनरत कक्षा ९ र १० का छात्र–छात्राहरुलाई भद्रपुर नगरपालिकाको आर्थिक सहयोगमा एक दिने लागूऔषध दु्र्व्यसन विरुद्ध विद्यालयमा सचेतना कार्यक्रम गरेकाे थियाे ।
सचेना कार्यक्रममा नगरप्रमुख गणेश पोखरेल र उपप्रमुख राधा कार्कीले विद्यार्थीहरुलाई लागूऔषध प्रयोग गर्दा हुने शारिरिक मानसिक र समाजिक असरकाे बारेमा जानकारी गराएका थिए । कार्यक्रममा पूर्व सइ डिगबहादुर बुढाथोकी र जिल्ला प्रहरी कार्यालयका इन्स्पेक्टर प्रविण श्रेष्ठले लागूऔषधका विषयमा प्रशिक्षण दिएका थिए ।
समितिका अध्यक्ष अम्विका पोखरेलको सभापतित्वमा भएको कार्यक्रममा सचिव राजकुमार थापाले सहजीकरण गरेका थिए ।
कार्यक्रममा पूर्व प्रहरी सङ्गठनका पदाधिकारी ,शिक्षक, विभिन्न सङघ संस्थाका प्रमुख तथा प्रतिनिधि लगायतको उपस्थिति रहेको थियो ।
