झापा । धर्ममाथि हुने विभिन्न प्रकारका आक्रमणलाइ मध्यनजर गर्दै झापाको भद्रपुरमा गुरु , पण्डीत, पुरोहित एकजुट हुने क्रम तीब्ररुपले अगाडि बढिरहेको छ । वैदिक सनातन धर्म संरक्षण समिति मार्फत एकजुट हुने क्रम जारी रहेको हो । यसैक्रममा भद्रपुर नगर समितिको अगुवाइमा संयुक्त वडा समिति गठन प्रक्रिया अन्तिम चरणमा पुगेको छ । नगर समितिको आयोजनमा सोमबार भद्रपुर वडा नम्बर ५ देखी ८ सम्मको संयुक्त वडा समिति गठन गरिएको छ ।
भेलाले खगेन्द्र दाहालको अध्यक्षतामा ११ सदस्यीय संयुक्त वडा कार्यसमिति गठन गरेको हो । गठित समितिको उपाध्यक्षमा जगन्नाथ नेपाल, सचिव गोपाल सापकोटा , सहसचिव विनोद ढकाल र कोषाध्यक्षमा गोविन्द घिमिरे चयन भएका छन् ।
त्यसैगरी सदस्यहरुमा शेखर पौडेल , रमेश पराजुली , गोपाल भट्टराई , अनिष कृष्ण भण्डारी(टंक), खगेन्द्र नेपाल र सिताराम दाहाल रहेका छन् ।
भेलामा नगर अध्यक्ष नविन भट्टराईले औचित्यमाथि प्रष्ट पारेका थिए । उनले नगरमा संस्कृत शिविरको आयोजना गर्नुपर्ने आवश्यक्ता देखिएकोले सो बारेमा समितिमा छलफल भइरहेको जनाए । अहिलेको विषम परिस्थितिमा सवै हातेमालो गर्दै एकजुट भएर अगाडि बढ्न आव्हान समेत गरे ।
नगर अध्यक्ष भट्टराईकाे अध्यक्षातामा भएकाे कार्यक्रममा नगर उपाध्यक्ष पदमप्रसाद खतिवडाले सहजीकरण गरेका थिए भने सहसचिव उदय खनालले सञ्चालन गरेका थिए ।
भेलामा नव निर्वाचित अध्यक्ष खगेन्द्र दाहाल र सदस्य शेखर पौडेलले समितिको काम, कर्तव्य र अधिकारका विषयमा जिज्ञासा राखेका थिए । नव निर्वाचित समितिलाइ स्वागत गर्दै नगर समितिले माइन्यूट हस्तान्तरण गरेका थिए ।
नगर समितिले भद्रपुर १ नम्बर वडादेखी ४ सम्म एकहप्ता अघि संयुक्त वडा समिति गठन गरिसकेको छ भने बाँकी रहेका ९ र १० नम्बर वडा समिति गठनका लागि मङ्गलबार अपरान्ह् ३ बजे दुर्गापाञ्चायन मन्दिर चन्द्रगढी स्थित धनुषमोडमा भेला हुन सवैमा अनुरोध गरिएको समितिले जनाएको छ ।
