झापा । नेकपा एमालेका अध्यक्ष केपी शर्मा ओलीले बर्तमान सरकार राति-राति मिटिङ गरेर आफूसहित तत्कालिन गृहमन्त्री रमेश लेखकलाई पक्राउ गर्ने भन्दै सडकमा समेत सरकार आफैं तमासा गरिरहेको बताएका छन् । अध्यक्ष ओलीले सुशीला कार्की नेतृत्वको वर्तमान सरकार नेपालीको सरकार नभएको समेत दावी गरे ।
एमाले भक्तपुर जिल्ला कमिटीले बिहीबार गुण्डुमा आयोजना गरेको
कार्यक्रमलाई सम्बाेधन गर्दै उनले यस्ताे दावी गरे।
गृहमन्त्री ओम प्रकाश अर्याललाई आफूले नचिनेको भन्दै राजनीतिलाई ख्यालठट्टा नठान्न समेत चेतावनी दिए ।
संसद भंग गर्ने पूर्वसर्त राखेर जनताको
सर्वोच्च सार्वभौम संस्थाको र लोकतन्त्रको जग भत्काउने सर्तमा
प्रधानमन्त्री बनेकाे बताए ।
अध्यक्ष ओलीले प्रधानन्यायाधीश र न्यायाधीश भएको व्यक्ति प्रधानमन्त्री र मन्त्रीको कुर्सीमा बस्न मिल्दैन भन्ने संविधानमा रहेको भन्दै यो सरकारलाई चुनाव गराउने म्याण्डेट राष्ट्रपतिले तोकिदिएको तर सरकार चुनाव गराउनेतिर नलागेको बताए ।
आफ्नो पासपोर्ट रोक्का गर्ने र उपत्यका छाड्न नमिल्ने भनेर गरिएको सडक तमासा गरिएपनि कार्कीको डरले आफू नभाग्ने समेत बताए ।
अध्यक्ष ओलीले जेनजी नामका बालबालिका अगाडि सारेर पेट्रोल फ्याँक्ने र
आगो लगाउनेहरूलाई यो सरकारले कारबाही नगरे पनि क्षम्य हुन नसक्ने
बताए ।
