झापा / दुबईले नेपालीलाई भिजिट भिसाका लागि पूर्ण रूपमा बन्द गरेका कारण नेपालबाट भिजिट भिषामा दुवइ जान नपाइने भएकाे छ ।
यसबारे कुनै आधिकारिक जानकारी नगराए पनि दुबईले सोमबारदेखि भिजिट भिसामा जान रोक लगाएको हो।
संयुक्त अरब इमिरेट्स (युएई) मा भिसा
आवेदन दिँदा भिजिट भिसा कोलममा नेपाल देखाउन छोडेको ट्राभल्स
एण्ड टुर्सका सञ्चालकहरुकाे भनाइ छ ।
'आइतबारसम्म नेपालीका लागि कोलम राखिएको थियो। तर त्यो दिन भिसा आवेदन दिएका सबै नेपालीको भिसा अस्वीकृत भएको थियो। तर भारतीयहरूको भने भिसा आयो,' उनीहरुले भने, 'भिसा दिन रोक लगाइएकोबारे कुनै कारण देखाइएको छैन। तर अहिले नेपालीले आवेदन नै दिन पाउँदैनन्।'
युएईका लागि नेपाली राजदूत तेजबहादुर क्षेत्रीले भिसा दिन बन्द गरिएकोबारे औपचारिक जानकारी नआएको बताए। उनले अहिलेको निर्णय केही समयको लागि हुनसक्ने बताए।
दुबईले नेपालीलाई डिसेम्बरदेखि भिसा दिन बन्द जस्तै गरेको थियो। भिसा पाउने सम्भाभावना नभएपछि नेपालीहरूले युएईको शारजाह राज्यका लागि भिसा आवेदन दिने गरेका थिए। युएईको जुन राज्यका लागि भिसा लिए पनि सबै राज्य घुम्न पाइने भएकाले सहज भएको थियो। अब भने युएईकै लागि भिसा बन्द गरिएको ट्राभल्स एण्ड टुर्सका सञ्चालकहरुकाे भनाइ छ ।
