झापा / नवगठित उज्यालो नेपाल पार्टीले यहि मंसिर १७ गते घोषणा सभा आयोजना गर्ने भएको छ।
पार्टीले काठमाडौंमा शुक्रबार पत्रकार सम्मेलन गरी सोही सभा आयोजना गर्ने जानकारी गराइएको हो।
काठमाडौंको प्रज्ञा भवनमा सभा आयोजना गर्ने निर्णय गरिएको पार्टीका प्रवक्ता डा. राजु थापाले बताए। घोषणा सभाको प्रमुख वक्ता ऊर्जा, जलस्रोत तथा सिंचाईमन्त्री कुलमान घिसिङ रहेकाे छन्।
घोषणामा सभामा पार्टीको दृष्टि-मूल ध्येय र विस्तृत घोषणा पत्र २०८२ औपचारिक रुपमा सार्वजनिक गरिने पनि प्रवक्ता थापाले बताए। पत्रकार सम्मेलनमा नेताहरुले सोही पार्टीले लोकतान्त्रिक समाजवादलाई अंगिकार गरेर अघि बढ्ने बताएका छन्।
प्रवक्ता थापाले सबै पार्टीको राम्रा पक्षलाई आत्मासात गरेर अघि बढ्ने योजना आफूहरुको रहेको बताए।
