झापा । झापा बिर्तामाेडमा प्रेमिका भनिएकी युवतीको हत्या गर्ने कैलाली गौरीगंगा नगरपालिका–३ बस्ने २० वर्षीय अनिल विकको अबस्था गंभीर रहेको छ ।
प्रादेशिक अस्पताल भद्रपुरमा उपचाररत विकको अवस्था गंभीर रहेको प्रहरीले जनाएको छ । अहिलेसम्म बोल्न नसकेकाे प्रहरीकाे भनाइ छ ।
उनले हिजो साँझ ६.३० बजेतिर अर्जुनधारा ६ को महानन्द चोकमा आफ्नी प्रेमिका भनिएकी इलाम सूर्योदय नगरपालिका १० फिक्कलकी १९ वर्षीया मनिशा लोहारलाई छुरा प्रहार गरी हत्या गरेका थिए ।छुरा प्रहार गर्ने विकलाई स्थानीयले प्रतिकार गर्दा उनी घाइते भएका हुन् ।युवतीलाई छुरा प्रहार गरी गम्भीर घाइते बनाई भाग्ने क्रममा नामथर नखुलेका स्थानीय ब्यक्तिहरुले कुटपिट गरी विकलाई घाइते बनाएको प्रहरीले जनाएको छ । कैलालीका विक कहिले आए र युवतीसंग पछिल्लो भेट कसरी भयो भन्ने खुलिनसकेको डीएसपी विष्टले बताए ।
