फायल तस्विर
झापा । प्राकृतिक विपद्मा सबैभन्दा बढी
क्षति आगलागीका कारण भएको पाइएकाे छ । प्रहरीको तथ्याङ्क अनुसार जिल्लामा गत जेठ महिनामा भएका विभिन्न प्राकृतिक तथा गैर–प्राकृतिक विपद्का घटनाबाट १० करोडभन्दा बढीको आर्थिक क्षति भएको छ ।
कार्यालयले सार्वजनिक गरेको मासिक प्रगति
प्रतिवेदनअनुसार आगलागी, हावाहुरी र जङ्गली जनावरको आक्रमणका कारण ठूलो
परिमाणमा भौतिक तथा मानवीय क्षति भएको जनाएकाे छ ।
जेठमा जिल्लाका विभिन्न
स्थानमा १५ वटा आगलागीका घटना घटेका थिए । सो आगलागीका कारण नागरिकको घरगोठ
र धनमाल नष्ट हुँदा छ करोड ३९ लाख ४० हजार बराबरको आर्थिक क्षति भएको
हो ।
त्यसैगरी सोही महिनामा आएको ठूला हावाहुरीका कारण जिल्लाका विभिन्न स्थानमा गरी चार करोड सात लाख १६ हजार बराबरको क्षति भएको छ ।
झापामा रैथाने तथा सीमावर्ती क्षेत्रबाट आउने वन्यजन्तुको त्रास र
प्राकृतिक प्रकोपको क्षति पनि उत्तिकै चुनौतीपूर्ण देखिएको छ । यस अवधिमा
जङ्गली जनावरको आक्रमणका आठ वटा घटना भएका छन् । जसमा परेर एक जनाले ज्यान
गुमाएका छन् भने नौ जना घाइते भएको तथ्याङ्क रहेको छ । वन्यजन्तुको
आक्रमणबाट मात्रै तीन लाख ७० हजार बराबरको क्षति पुगेको प्रहरीको भनाइ छ
।
यस्तै, चट्याङ्बाट एक लाख ३६ हजार ५०० को भौतिक क्षति भएको
तथ्याङ्क छ । सोही अवधिमा आएको बाढीपहिरोको घटनामा मानवीय क्षति नभए पनि
प्रहरी टोलीले विपद्मा फसेका सात जनाको सकुशल उद्धार गरेको थियो ।
