झापामा मोटरसाइकलको ठक्करबाट एक जना साइकलयात्रीको मृत्यु भएको छ । मृत्यु हुनेमा बाह्रदशी–३ का ५० वर्षीय प्रेमबहादुर पौडेल रहेका छन् । हिजो दिउँसो १.१५ बजे हिमाली राजमार्गअन्तर्गत बाह्रदशी गाउँपालिका–३ रामनगरमा घोडामाराबाट राजगढतर्फ आउँदै गरेका साइकलयात्री पौडेललाई सोही दिशाबाट आउँदै गरेको प्र–१–०१–०१९ प २६९४ नम्बरको मोटरसाइकलले ठक्कर दिएको थियो । गम्भीर घाइते भएका पौडेललाई उपचारका लागि बिर्तामोडको बिर्तासिटी अस्पताल लगिएको थियो । उपचारकै क्रममा गएराति ८ः३० बजे उनको मृत्यु भएको प्रहरीले जनाएको छ ।
दुर्घटनामा मोटरसाइकल चालक बाह्रदशी–४ चकचकीका ३० वर्षीय कुन्दन गणेश पनि घाइते भएका छन् । सामान्य अवस्थाका गणेशको बिर्तासिटी अस्पतालमै उपचार भइरहेको छ ।
मोटरसाइकल र साइकललाई नियन्त्रणमा लिएर इलाका प्रहरी कार्यालय राजगढले घटनाको अनुसन्धान सुरु गरेको छ । मोटरसाइकलको तीव्र गतिका कारण दुर्घटना भएको जनाइएको छ ।
