झापा । झापामा मातातीर्थ औँसीको अवसर पारेर ५ सय भन्दा बढी ज्येष्ठ महिलाहरुलाई सम्मान गरिएको छ । झापाको भद्रपुरमा रहेको ओमसाई पाथिभरा हस्पिटलका सञ्चालक बालकुमार पोखरेल(साईराम) र अध्यक्ष दिपक पोखरेलले भद्रपुर नगर क्षेत्र भित्र रहेका ५ सय भन्दा बढी महिलाहरुलाई सम्मान गरेको हो ।
झापाकाे भद्रपुर ७ मा रहेको निजी निवासमा बुधबार दिउँसो ७० देखि १०५ वर्षीया ज्येष्ठ महिलाहरुलाई साडीसहित नगद उपहार दिएर सम्मान गरिएको थियो भने उपहार पश्चात मिष्ठान्न भोजनसमेत गराइएको थियो ।
जन्मदिने आमासँगै अन्य महिलाहरु पनि आमा समान भएकाले पर्वको अवसर पारेर सम्मान गरिएको अध्यक्ष पोखरेलले बताए । पाेखरेलले भने, ' आज हामीले ६ सय जना भन्दा बढी ६८ वर्ष पुराभएका आमाहरुलाई बाेलाएका छाै । आउने सालहरुमा पनि यसरीनै सम्मान गरेर आमाहरुकाे आशिर्वाद लिने उद्देश राखेका छाै' ।
स्वास्थ्य सेवा प्रदान गर्दै आइरहेको ओमसाई पाथिभरा हस्पिटलले वर्षको एक पटक आमाहरुलाई सम्मान गर्दै आइरहेको सञ्चालक पोखरेलले बताउदै टाढा टाढाबाट आउनेलाई यातायातको सुविधा समेत दिएको बताए । उनले भने, ' याे पर्वमा छाेराछरीले आमालाई सम्मान गर्ने परिपाटी चलिरहेकाेले हामीले पनि विगत ३ वर्षदेखि छाेराछाेरीकाे भुमिका निभाउने थालीनी गरेका छाैं '।
विभिन्न कारणले सन्तान साथमा नभएको अवस्थामा यसरी सम्मान गर्ने पोखरेल परिवारको सोच ठूलो भएको सम्मानित हुनेहरुले खुशी व्याक्त गरेका छन्।
