अत्यधिक गर्मी भएपछि बिर्तामोडले दियो दुई दिन विद्यालयहरुलाई गर्मी विदा

झापा । बिर्तामोड नगरपालिकाले पनि विद्यालयहरुलाई दुईदिन विदा दिएको छ । लगातार अत्यधिक गर्मी भएपछि नगरपालिकाले आज एक सूचना जारी गरी भोलि र पर्सी (विहीबार र शुक्रबार)दुई दिन पठनपाठन स्थगित गर्ने निर्णय गरिएको जनाएको छ ।

अत्यधिक गर्मीका कारण पठनपाठन गर्न कठिनाई भएको विभिन्न विद्यालय र अभिभावकहरुबाट माग भएपछि हिउँदे र वर्खे विदाबाट कट्टा हुने गरी दुई दिन विदा दिइएको शिक्षा शाखा प्रमुख तिलचन भण्डारीले जनाएका छन् । यसअघि कमल गाउँपालिकाले आज र भोलि गर्मी विदा दिइसकेको छ ।