झापा । युवतीसंग राति बसेका एक व्यक्ति आज बिहान मृत फेला परेका छन् ।
दमक ६ बसपार्कस्थित मिलन होटेल एण्ड लजको भुइँतलाको कोठामा मृत फेला परेका व्यक्ति सिन्धुली दुधाैली नगरपालिका १० का अन्दाजी बर्ष ३३ का ईन्द्रबहादुर सुनुवार भएको जिल्ला प्रहरी कार्यालय झापाले जनाएकाे छ । मृतकको साथबाट ईन्द्रबहादुर सुनुवार लेखिएको परिचय खुल्ने कागजात फेला परेको प्रहरीले जनाएकाे छ ।
जिल्लाका डिएसपी कृष्णकुमार चन्दले दिएकाे जानकारी अनुसार निर्मला भारतीले सञ्चालन गरेकाे हाेटलमा माेरङ् मिक्लाजुङ् गाउँपालिका २की २७ वर्षिया प्रितीभन्ने गाेमा तामाङ् संगै बसेका थिए । घटनापछि हाेटल सञ्चालिकसहितलाइ अनुसन्धानको लागि इलाका प्रहरी कार्यालय दमक लगिएको छ ।
बसपार्कमा रहेको मिलन होटेल एन्ड लजमा यौन धन्दा हुँदै आएको बताइन्छ । यौन कार्य गर्न आएका व्यक्तिको मृत्यु भएको आशंका गरिएको छ ।
