साङ्केतिक तस्वीर
झापा । बसको ठक्करबाट मोरङको उर्लावारीमा एक पैदलयात्रीको मृत्यु भएको छ ।
आज दिउँसो ३.३० बजे उर्लाबारी –४ बक्राहास्थित पूर्वपश्चिम राजमार्गमा मे.१ ख.२३६३ नम्वरको बसले बाटो काट्दै गरेका पैदलयात्री उर्लाबारी २ सुनझोडा बस्ने ६५ वर्षीय गज धिमाललाई ठक्कर दिएर घाइते बनाएको थियो । टाउको र पछाडीको भागमा चोट लागेर गम्भीर घाइते भई उपचारको लागि अरनिको अस्पताल लगिएकोमा सामान्य उपचारपश्चात् थप उपचारको लागि बीएण्डसी अस्पताल बिर्तामोड ल्याइएकोमा साँझ ५.२० बजे डाक्टरले चेकजाँच गर्दा मृत घोषणा गरेका थिए ।
दुर्घटनापछि बस र बस चालक झापा मेचीनगर ६ बस्ने ४५ वर्षीय उद्धवकुमार मोक्तानलाई इलाका प्रहरी कार्यालय उर्लाबारीले नियन्त्रणमा लिएको छ ।
