झापा । पसल फुटाएर चोरी गर्ने तीनजना पक्राउ परेका छन् । उनीहरुको साथबाट चोरी भएको सामानसहित भरुवा बन्दुक भेटिएको प्रहरीले जनाएको छ । झापाको अर्जुनधारा नगरपालिका–७ मिलडाँडाका इन्दिरा अधिकारीले सञ्चालन गरेको किराना पसलमा ताला फुटाएर चोरी गरेका उनीहरुबाट चोरीका सामानसहित भरुवा बन्दुक र खुकुरी बरामद भएको जिल्ला प्रहरी कार्यालय झापाले जनाएकाे छ । पक्राउ पर्नेमा अर्जुनधारा–४ का आदित्य लिम्बू, छिरिङ तामाङ र निखिल तामाङलाई पक्राउ गरेको जिल्लाका डिएसपी कृष्णकुमार चन्दले जानकारी दिए ।
प्रहरीले छिरिङ
तामाङको घरबाट भरुवा बन्दुक बरामद गरेको जनाएको छ ।उनीहरुको साथबाट चाँदीको सिक्री–२ थान, नेपाल टेलिकमको ५० रुपैयाँ दरको
रिचार्ज कार्ड १९ थान, चाँदीको औठी २ थान, चाँदीको पाउजु २ थान र एनसेल
कम्पनीको ५० रुपैयाँ दरको रिचार्ज कार्ड ५ थान भेटिएको प्रहरीले जनाएको छ । उनीहरूलाइ इलाका प्रहरी कार्यालय अनारमनीमा राखी थप अनुसन्धान सुरू गरेकाे प्रहरीले जनाएकाे छ ।
