झापा । झापा कमल गाउँपालिकाबाट प्रहरीले ब्राउनसुगरसहित दुईजना लागूऔषधका कारोबारीलाई पक्राउ गरेको छ । होटलमा ब्राउनसुगर बिक्री गर्नेसोही ठाउँ बस्ने हाेटल सन्चालक ३५ वर्षीय सरोज थापा र शिवसताक्षी ६ बस्ने ३० वर्षीय बिष्णु खड्का पक्राउ परेकाे जिल्ला प्रहरी कार्यालय झापाले जनाएकाे छ।
उनीहरुकाे साथबाट ३८ ग्राम ब्राउनसुगर फेला परेको छ । हिजो साँझ ७.३० बजेको समयमा कमल ३ स्थित कृष्टिना होटलमा जिल्ला प्रहरी कार्यालय झापाबाट खटिएको टोलीले छापा मारेको थियो । शंका लागेर खड्काको शरीर चेकजाँच गर्दा सरोज थापाको शरीरबाट प्लाष्टिकको पोकाभित्र ३८ ग्राम ब्राउनसुगर फेला परेको थियो ।
दुवै जनालाई लागूऔषधसहित नियन्त्रणमा लिई आवश्यक अनुसन्धान तथा कार्वाहीको लागि ईलाका प्रहरी कार्यालय दमकमा राखिएको जिल्ला प्रहरी कार्यालयका प्रहरी निरीक्षक ढुण्डीराज गिरीले जानकारी दिए ।
