साङ्केतिक तस्वीर
झापा । दोहाबाट मलद्वारमा सुन
लुकाएर ल्याएका तीन जनालाई त्रिभुवन अन्तर्राष्ट्रिय विमानस्थलमा प्रहरीले पक्राउ
गरी कारबाहीका लागि भन्सार कार्यालय बुझाएकाे छ। पक्राउ पर्नेमा सप्तरी घर भएका ३२
वर्षीय कृष्णप्रसाद चौधरी, ३० वर्षीय मोहम्मद इलियास र सुनसरीको इटहरी
उपमहानगरपालिका–१९ का २७ वर्षीय शिवशंकर चौधरी रहेकाे प्रहरी
प्रधान कार्यालयले पुष्टि गरेकाे छ ।उनीहरूलाई पक्राउ गरी कारबाही
प्रक्रिया अगाडि बढाइएको जनाएको छ ।
प्रहरी प्रवक्ता, प्रहरी वरिष्ठ उपरीक्षक विश्व अधिकारीले शुक्रबार पक्राउ परेका उनीहरूलाई आवश्यक कारबाहीका लागि त्रिभुवन विमानस्थल भन्सार कार्यालयमा बुझाइएको जानकारी दिए।
हिमालय एयरलाइन्सको उडानद्वारा दोहाबाट काठमाडौं आएका उनीहरूलाई विमानस्थलको अन्तर्राष्ट्रिय उडानतर्फको आगमन टनेल गेटमा जाँचगर्ने क्रममा पक्राउ गरिएको थियो।
प्रहरीले कृष्णप्रसादको साथबाट करिब ५८ दशमलव ३३ ग्राम तौलको सिक्री १ थान, मोहम्मदको साथबाट करिब ५८ दशमलव ३३ ग्राम तौलको सिक्री १ थान र शिवशंकरको साथबाट करिब ५८ दशमलव ३३ ग्राम तौलको सिक्री १ थान बरामद गरेको जनाइएको छ।
