झापा । मुस्लिम समुदायको पर्वको लागि झापाको एक नगरपालिकासहित पाँच पालिकाले साेमबार(भोलि )सार्वजनिक विदा दिएका छन् ।
भद्रपुर नगरपालिका, बाह्रदशी,कचनकवल, झापा र गौरीगञ्ज गाउँपालिकाले साेमबार(भोलि )स्थानीय विदा दिएका छन् । मुस्लिम समुदायको पर्वको लागि ती पालिकाले विदा दिएको जनाएका छन् । इस्लाम धर्मावलम्वीहरुको पैगम्बर हजरत महमद मुख्ताफ सल्लल्लाहो अलौही वासल्लमको १४५३ औ जन्मजयन्ती परेको छ ।
भद्रपुर नगरपालिकाका नगर प्रमुख गणेश पोखरेल, बाह्रदशी गाउँपालिकाका अध्यक्ष देविन्द्रप्रसाद चम्लागाँई , गौरीगञ्ज गाउँपालिकाकी अध्यक्ष फूलवती राजवंशी , झापा गाउँपालिकाकी कार्यवाहक अध्यक्ष अन्जुदेवी थपलिया र कचनकवल गाउँपालिकाका निमित्त प्रमुख प्रशासकीय अधिकृत केशव मैनालीले छुट्टाछुट्टै सूचना जारी गरी साेमबार(भोलि) आफ्ना पालिका कार्यालय , मातहतका शाखा , वडा कार्यालय , विद्यालय , स्वास्थ्य चौकी र स्वास्थ्य केन्द्रहरु बन्द रहने जनाएका छन् ।
