साङ्केतिक तस्वीर
झापा । मोटरसाइकल दुर्घटनामा सशस्त्र प्रहरीका सईको मृत्यु भएको छ । झापाको कमल गाउँपालिकामा भएको हिजो साँझ ७.५५ बजे कमल गाउँपालिका ३ सानो केर्खास्थित पूर्वपश्चिम
लोकमार्गमा प्र.१–०२–००५२प. ७०२९ नम्बरको मोटरसाइकल आफै अनियन्त्रित भएको
थियो । उनी घर विदा पूरा गरी व्यारेकतर्फ आउँदै गर्दा दुर्घटनामा परेकाे जिल्ला प्रहरी कार्यालय झापाले जनाएकाे छ ।
दुर्घटनामा मोटरसाइकल चालक मोरङ कानेपोखरी गाउँपालिका ४ बस्ने हाल इलाम बीओपी समालबुङ पोष्टमा कार्यरत ४८ वर्षीय सई पुरनलाल राजंवशी गम्भीर घाइते भएका थिए । उनलाई उपचारको लागि बीएण्डसी अस्पताल बिर्तामोड पठाएकोमा राति ९ बजे अस्पताल पुर्याउनसाथ डाक्टरले मृत घोषणा गरेकाे जिल्लाका डिएसपी खगेन्द्रबहादुर खड्काले बताए ।
मृतकको शव सोही अस्पतालमा रहेको छ । मोटरसाइकल प्रहरी चौकी केर्खाको नियन्त्रणमा रहेको जनाएको छ ।
