झापा जिल्लाको बुद्धशान्ति गाउँपालिका–३, डाँडा गाउँमा एक जंगली भाले हात्ती मृत अवस्थामा फेला परेको छ।
स्थानीय लालबहादुर रसाइलीको खेतमा उक्त हात्ती मृत अवस्थामा देखिएको भन्ने जानकारी प्राप्त हुनासाथ इलाका प्रहरी कार्यालय बुधबारे, झापाबाट प्रहरी निरीक्षक गेहतनाथ तिम्सिनाको कमाण्डमा प्रहरी टोली घटनास्थलमा खटिएको थियो। प्रहरी टोलीले घटनास्थल सुरक्षित राखी प्रारम्भिक अनुसन्धान सुरु गरेको छ।
घटनाबारे डिभिजन वन कार्यालय भद्रपुर, झापालाई समेत जानकारी गराइएको र वन कार्यालयको टोली घटनास्थलमा पुगेर मुचुल्का तयारी तथा थप अनुसन्धान कार्य भइरहेको प्रहरीले जनाएको छ।
हालसम्म हात्तीको मृत्युको कारण खुल्न नसकेको र अनुसन्धानपछि विस्तृत विवरण सार्वजनिक गरिने सम्बन्धित निकायले बताएका छन्।
