झापा । भद्रपुरस्थित चन्द्रगढीमा नेपालीहरू महान् चाड हरितालिका तीज मिलन तथा वृहत् प्रतियोगितात्मक सांस्कृतिक कार्यक्रम सम्पन्न भएको छ ।
भद्रपुर- १० स्थित चन्द्रगढी सेवा समाज तथा दुर्गा पाञ्चायन मन्दिरको संयुक्त आयोजनामा मनाइएको तीज मिलन कार्यक्रममा १२ वटा समूह मध्ये नौमती बाजा समूह प्रथम, मैत्री टोल भजन समूह द्धितिय, एकल नृत्यमा चन्द्रा सापकोटा तृतीय र माया पाण्डेले सान्त्वना पुरस्कार प्राप्त गरेका छन् ।
विजयी प्रतियोगिहरुलाई मन्दिर व्यवस्थापन समितिका कार्यवाहक अध्यक्ष शकुन्तला पोखरेल, शालिकराम नेपाल, देविमाया अधिकारी, काशीनाथ घिमिरे, गोविन्द लम्साल लगायतले पोते लगायतका सामग्रीहरू प्रदान गरेका थिए ।
भद्रपुर नगरपालिकाकी उपप्रमुख राधा कार्कीको प्रमुख आतिथ्य तथा कार्यक्रमको अध्यक्षता शकुन्तला पोखरेलले गरेकी थिइन । कार्यक्रमको सञ्चालन समाज सेवाकी देविमाया अधिकारीले गरेकी समाज सेवाका वरिष्ठ उपाध्यक्ष नयाँनाथ पाण्डेले जानकारी दिए ।
