झापा । झापाको भद्रपुर ९ लक्ष्मी चोकमा बडा दशैको अवसर पारेर श्रीमद्देवीभागवत महापुराण नवाह ज्ञान महायज्ञ लगाइने भएको छ ।
अक्षयकाेष स्थापना,भाैतिक संरचना निर्माण,विश्वशान्तिकाे कामना सहित पर्यटकीय विकासकाे उदेश्य राखेर यही असोज १७ गते घटस्थापनाका दिनदेखि श्री केदारेश्वर शिवालय पाञ्चायन मन्दिरमा सोही महिनाको २५ गतेसम्म महायज्ञ हुने भएको हो ।
केदारेश्वर शिवालय मन्दिर र धार्मिक अनुष्ठानसेवा समाज बिर्तामोड आयोजक रहेको समितिले दिएको जानकारी अनुसार १०८ अन्तर्गतको २८ औँ श्रीमद्देवीभागवत महापुराण नवाह ज्ञान महायज्ञसहित मेची महाकाली रथ यात्राको ११ औँ श्रीमद्भागवत महापुराण पाठपारायण हुने जनाइएको छ ।
प्रमुख वाचकको रुपमा पण्डीत माधवशरण खनालसहित उपवाचक पण्डीतद्धय नारायण अधिकारी र खेमराज नेपाल रहने छन् । पुराण सफल वनाउन १२१ जनाकाे पुराण आयाेजक समिति र दर्जनबढी विभिन्न उपसमिति समेत गठन गरिएकाे छ ।
महायज्ञकाे पहिलाे दिन कलस सहित रथ यात्रा,मण्डप पुजा हुनेछ भने दाेस्राे दिनदेखि दैनिक पुजा ,कथाप्रवचन पाठपारायण र साँझमा आरतीसहित महात्म्य भजनकिर्तन हुने आयाेजक समितिका अध्यक्ष भगिरथ नेपालले जानकारी दिए ।
महायज्ञमा २१ गते विहान ९ बजे विषेश रूद्राभिषेक पछि दिउँसाे नन्द उत्सव हुनेछ भने महायज्ञकाे अन्तिमदिन पूर्णाहुती तिलकपाती प्रसाद वितरण गरी समापन हुने उनले जानकारी दिए ।
