झापा । गाउँपालिकाका पूर्वअध्यक्षसहित ९ जना जुवाडेलाई प्रहरीले पक्राउ गरेको छ ।
मोरङको ग्रामथान गाउँपालिका –४ कटरीयाबाट प्रहरीले गएराति
जुवा खेलिरहेको गोप्य सूचनाको आधारमा प्रहरीले राति ८ बजे छापा मारेको
थियो ।
जुवाको खालबाट प्रहरीले १८ लाख ५० हजार रुपैयाँ बरामद गरेको छ । जुवा खेलिरहेका ग्रामथानका पूर्वअध्यक्ष ग्रामथान–४ का ५९ वर्षीय शिवनारायण माझी, महोत्तरीको गौशाला नगरपालिका–१ का ४५ वर्षीय महेश साह, सुनसरीको धरान उपमहानगरपालिका–१५ का ४५ वर्षीय युवक राई, दुहबी नगरपालिका–६ का ४५ वर्षीय जयकिशोर साह, झापाको दमक नगरपालिका–१० का ४६ वर्षीय ऋतुवर्ण नेम्वाङ, मोरङको सुन्दरहरैँचा नगरपालिका–१ का ५० वर्षीय जनककुमार मास्के, ३२ वर्षीय प्रताप राई, ग्रामथान–४ का ५५ वर्षीय अहिलाल माझी र लेटाङ नगरपालिका–९ का ३८ वर्षीय लोकनाथ सापकोटा पक्राउ परेका हुन् ।
