झापा । इलामको माइजोगमाई गाउँपालिका -३, गिद्देभिर स्थित ढुङ्गाको च्यापमा भेटिएका नवजात शिशु गाउँपालिकाले इलामकै माई नगरपालिका–१० का बस्नेत दम्पती ठहरसिंह बस्नेत र विष्णु चौंलागाईंलाई शिशु लिन आउन सूचना गरेको छ ।बेवारिसे अवस्थामा फेला परेका नवजात शिशु लिन आउन बस्नेत दम्पतीलाई सात दिने सूचना माईजोगमाई गाँउपालिकाले जारी गरेको हाे ।
बिवाह भएको २५ बर्ष वितेपनि बस्नेत दम्पतीको सन्तान हुन सकेको थिएन।
माईजोगमाई गाँउपालिकाले बेवारिसे शिशु व्यवस्थापन गर्न बनेको कार्यविधिअनुसार माग गरिएका निवेदनमध्ये बस्नेत र चौंलागाईंको निवेदन सबैभन्दा योग्य पाएको जनाएको छ ।
गाँउपालिकाले कार्यविधिको अनुसूची ३ बमोजिम रीत पुर्याइ शिशु लिन आउन सूचना जारी गरेको जनाएको छ । अनुसूची ३ मा शिशुको स्याहार, हेरचाह, शिक्षा, स्वास्थ्यलगायत विभिन्न १४ सर्त उल्लेख छन् ।
शिशु व्यवस्थापनका लागि कार्यविधिको अनुसूची १ बमोजिम माघ २ देखि १७
सम्मको अवधिमा कुनै निवेदन परेका थिएनन् । त्यसपछि अनुसूची २ अनुसारको
सूचनामा ११ निवेदन परेका थिए ।
अन्दाजी तीन–चार दिनको जस्तो देखिने शिशु (छोरा) स्थानीयले घाँस काटेर
फर्किने क्रममा माइजोगमाई–३, गिद्देभिरको ढुङ्गाको च्यापमा नवजात शिशु
बेवारिसे अवस्थामा फेला परेका थिए।
