झापा । लागूऔषध ब्राउन सुगरसहित झापाको दमक नगरपालिका–१ हवल्दार चोकस्थित टपरी होटलबाट हिजो साँझ एक जना पक्राउ परेका छन् ।
पक्राउ पर्नेमा इलाम चुलाचुली गाउँपालिका–४ पालिका टोल बस्ने ३५ वर्षीय पूर्णकुमार राई रहेकाे जिल्ला प्रहरी कार्यालय झापाले जनाएकाे छ ।
प्रहरीले दिएकाे विवरण अनुसार राईले लागूऔषधको कारोबार गरिरहेको सूचनाका आधारमा साँझ ५.२० बजे खानतलासी गर्दा उनले लुकाई राखेको प्लाष्टिकसहित २४ ग्राम ८१० मिलिग्राम र प्लाष्टिकबाहेक २२ ग्राम १५० मिलिग्राम २२.१५ ग्राम ब्राउन सुगर फेला परेको हो ।
उक्त लागूऔषधसहित राईलाई नियन्त्रणमा लिइएको छ। साथै, उनको साथबाट एउटा मोबाइल फोन र मे १० प ३९७० नम्बरको पल्सर मोटरसाइकल पनि बरामद गरिएको छ । घटनाबारे थप अनुसन्धान भइरहेको जिल्ला प्रहरी कार्यालयले जनाएको छ ।
