झापा । आदिवासी समुदायका दशजना सन्थाल महिलालाई रामनवमी पर्वको अवसर पारेर सम्मान गरिएको छ । सम्मानित हुनेहरूमा अञ्जली मुर्मु किस्कु,फुलमुनी मुर्मु,मुच्ची किसन, सलौनी हेमरन,सुनिता
मुर्मु ,साहिली सोरेन,सुनिता मुर्मु,अपुनी वेस्रा,माङ्ग्री रोनी वेस्रा र
मिनहा वेस्रा रहेका छन् । भद्रपुर मारवाडी महिला मञ्चको आयोजनामा सोमबार मञ्चकी अध्यक्ष नीलम गोयलको सभापतित्व एवम भद्रपुर नगरकी उपप्रमुख राधा कार्कीको प्रमुख आतिथ्यमा भएको कार्यक्रममा उपहार स्वरुप कपडा दिएर सम्मान गरिएको थियो ।
उनीहरुलाइ प्रमुख अतिथि लगायतले सम्मान गरेका थिए ।
मञ्चकी सचिव रीता सरावगीले सञ्चालन गरेको कार्यक्रममा समाजसेवी विनय गोयल, भद्रपुर मारवाडी सङ्घका अध्यक्ष अजय साहेवाला ,सामुदायिक प्रहरी सेवा केन्द्र भद्रपुरकी अध्यक्ष शीला खडका लगायतले कार्यक्रमको प्रसंसा गरेका थिए । कार्यक्रममा सन्थाल जातिका नृत्य समेत प्रस्तुत गरिएको थियो । पछिल्लाे समय मञ्चले दर्जनभन्दा बढी सामाजिक क्षेत्रमा विभिन्न कार्यक्रम सञ्चालन गर्दै आइरहेकाे अध्यक्ष गाेयलले जानकारी दिइन् ।
