झापा । स्थापना दिवसकाे अवसर पारेर राष्ट्रसेवक बचत तथा ऋण सहकारी संस्था भद्रपुरले विद्यार्थीलाई शैक्षिक सामग्री वितरण गरेको छ । सहकारीले सामाजिक उत्तरदायित्व कार्यक्रम अन्तरगत भद्रपुर-९ स्थित जीवन ज्योति आधारभूत विद्यालयमा अध्ययनरत विद्यार्थीलाई सोमबार एक संक्षिप्त कार्यक्रमका बीच शैक्षिक सामग्री वितरण गरिएको हो ।
सहकारी अध्यक्ष वशिष्ठ अधिकारी, कार्यक्रमका प्रमुख अतिथि नेपाल निजामती
कर्मचारी संगठनका केन्द्रीय सल्लाहकार लक्ष्मीप्रसाद गुरागाईँ लगायतले
विद्यार्थीहरूलाई ३० दर्जन कापी, पेन्सिल ३० प्याकेट तथा ईलेजर, सापनर र
डटपेन समेत गरी ३० हजार मुल्य बराबरको शैक्षिक सामग्री वितरण गरेका हुन् । सो
सामग्री विद्यालय व्यवस्थापन समितिका अध्यक्ष नूतन पौडेल र प्रधानाध्यापक
निर्मला पौडेललाइ हस्तान्तरण गरेका थिए ।
सामग्री हस्तान्तरण गर्ने सहकारी संस्था प्रति व्यवस्थापन समिति अध्यक्ष पौडेलले धन्यवाद दिएका थिए । कार्यक्रममा प्रमुख अतिथि गुरागाईँ, नेपाल निजामती कर्मचारी संगठन झापाका निवर्तमान अध्यक्ष केदार पोखरेल, ९ नम्बर का वडाअध्यक्ष राम दाहाल लगायतले शुभकामना मन्तव्य राखेका थिए ।
कार्यक्रमको सञ्चालन सचिव नवराज पोखरेलले र स्वागत मन्तव्य विद्यालयकी प्रधानाध्यापक निर्मला पौडेलले राखेकी थिइन् । सहकारीले आजै दुइजना ज्येष्ठ नागरिक शंकर भण्डारी र पद्ममा कुमारी नेपाललाइ समेत सम्मान गरेकाे छ भने भाेली (१९ गते) भद्रपुर १० चन्द्रगढीकाे बिरेन्द्र नमुना क्याम्पसमा बृह्त स्वास्थ्य शिबिर लगायतका विविध कार्यक्रम गरी स्थापना दिवस मनाउने व्यवस्थापक अनुज खतिवडाले जानकारी दिए ।
