राप्रपाका प्रमुख सचेतक ज्ञानबहादुर शाहीले मंगलबारको प्रतिनिधिसभा बैठकमा
बोलेको कुरा हटाउन एमाले सचेतक सुनिता बरालले माग गरेकी छन् ।
संसद् बैठकमा नियमापत्ति गर्दै सचेतक बरालले शाहीको धारणा हटाउन माग गरेकी हुन् ।
शाहीले
घुस प्रकरणको अडिओ सार्वजनिक भएका मन्त्रीको राजीनामाले मात्रै नपुग्ने
भन्दै पक्राउ गरि छानबिन गर्न माग गरेका थिए । केपी शर्मा ओली नेतृत्वको
मन्त्रिपरिषद्ले भ्रष्टाचारीको संरक्षण गरेको आरोप लगाएका थिए ।
शाहीले
भनेका थिए, ‘पहिले एउटा भनाइ थियो, ज्ञान नपाए काँशी जानू, न्याय नपाए
गोरखा जानू । भ्रष्टाचार गर्न नपाए केपी ओली सरकारको मन्त्रिपरिषद्मा आउनू
।’
शाहीको उक्त भनाइमा नियमापत्ति जनाउँदै बरालले हटाउन माग
गरेकी हुन् । बरालले प्रधानमन्त्रीमाथि तथ्यहीन आरोप लगाइएकाले रेकर्डबाट
हटाउन माग गरेकी हुन् ।
समग्र सरकार र सरकारको नेतृत्वमाथि
बदनाम गर्ने प्रयास भएको भन्दै उनले हटाउन माग गरे पनि सभामुख देवराज
घिमिरेले सांसदहरूले उठाएका विषय र नियमापत्तिहरूप्रति आफ्नो ध्यानाकर्षण
भएको बताए ।
तर, हटाउन निर्देशन दिएनन् ।
