झापा । झापाको घेराबारीमा दशगजामा भारतीयले बाटो खनेपछि स्थानीयबासीले अबराेध गर्दै बाटाे पुरीदिएका छन् ।
नेपाल–भारत सीमाको झापाको कचनकवल गाउँपालिका–१ घेराबारी स्थित दशगजामा शनिबार रातिदेखि भारतीय नागरिकले बाटो खनेपछि अवरोध गर्दै बाटाे पुरेका हुन् ।
कचनकवल–१ का वडाध्यक्ष रञ्जीत(महाबिर) लिम्बूले दिएकाे जानकारी अनुसार दशगजामा भारतीय नागरिकले बाटो खनेको थाहा पाएपछि रोकेकाे बताए । मान्छे नभएको दशगजामा भारतीयले बाटो खनेपछि स्थानीयबासीद्वारा अवरोध पछि केही भाग पुरेकाे बताए । पुर्नेक्रममा भारतीय प्रहरी आएपछि अब याे काम नगर्ने हामीलाइ जानकारी भएन भन्ने जवाफ दिएकाे उनले देश प्रदेश खबरलाइ बताए ।
मान्छे नभएकाे समयमा राति राति बाटो खन्ने गरिएको र यसअघि पनि पटक–पटक बाटो खन्न खोज्दा अवरोध गरिएको उनकाे भनाइ छ । याे षडयन्त्र भएकाे उनले बताए ।
हाल उक्त स्थानमा करिब १५० मिटर बाटो खनिसकेको उनकाे भनाइ छ । कचनकवल–१ को वडा कार्यालयदेखि करिब चार सय मिटरको दूरीमा रहेको दशगजामा बाटाे खनिएको उनले बताए ।
यसअघि पनि सो क्षेत्रमा बाटो बनाउँदा विवाद भएको र विवादपछि बाटो निर्माण कार्य बन्द गरिएको सशस्त्र प्रहरी बल नेपाल नम्बर २ गण हेक्वा झापाले जनाएको छ । सोही बाटो भारतीय पक्षले मर्मत गर्न खोजेपछि नेपाली पक्षबाट अवरोध भएको सशस्त्रका डिएसपी सुमन पोखरेलले बताए । विवाद समाधानका लागि भारतीय प्रहरीलाइ जानकारी गराइसकिएकोले दुवै देशका सुरक्षा निकायबिच छलफल गरेर समाधान गरिने उनले जानकारी दिए ।
झापाका प्रमुख जिल्ला अधिकारी बन्धुप्रसाद बाँस्तोलाले दशगजा नजिकै सडक बाटो बनाउने कार्य भइरहेकाले विवाद भएको बताए । हाल काम बन्द भएको उनकाे भनाइ छ ।
