झापा । जिल्ला प्रहरी झापाका एसपी राजन लिम्बूले
शान्ति
सुरक्षा कायम गर्ने काममा कुनै कसर बाँकी नराख्ने प्रतिवद्धता जनाएका छन् ।
प्रहरी चौकी बिर्ताबजारले आज आयोजना गरेको स्वागत सम्मान कार्यक्रममा बोल्दै प्रहरी प्रमुख लिम्बूले जिल्लाको लागि सबैभन्दा ठूलौ चुनौती लागूऔषध बनेको भन्दै उनले प्रहरी एक्लैले सो समस्या समाधान गर्न नसक्ने भएकाले सबैलाई साथ दिन आव्हान गरे ।
कार्यक्रममा बोल्दै प्रमुख अतिथि बिर्तामोड नगरपालिका वडा नम्बर ३ का अध्यक्ष मदन बुढाथोकीले जनप्रतिनिधि र प्रहरी भनेको एक अर्काका परिपुरक भएकाले दुवै मिलेर समाजमा हुने अपराधजन्य घटना कम गर्न र शान्ति सुरक्षा मजबुत बनाउन सहकार्य गर्नुपर्नेमा जोड दिए ।
कार्यक्रममा जिल्ला प्रहरी कार्यालयका प्रहरी प्रमुख लिम्बू, नेपाली कांग्रेसका जिल्ला कोषाध्यक्ष जलकुमार गुरुङ , नेकपा एमालेका नगर अध्यक्ष सुवास भट्टराई , नेकपा माओवादी केन्द्रका कुवेर श्रेष्ठलगायतले शुभकामना मन्तव्य राखेका थिए ।
