झापा । इलामको माइजोगमाई गाउँपालिका–३ गिद्देभिरको ढुङ्गाको चेपमा नवजात शिशु बेवारिसे अवस्थामा फेला परेका छन् ।
अन्दाजी तीन–चार दिनको जस्तो देखिने शिशु (छोरा) स्थानीयले घाँस काटेर फर्किनेक्रममा फेला पारेको प्रहरीले जनाएको छ । सूचना पाएपछि नामसालिङ प्रहरी चौकीबाट गएको टोलीले स्थानीयको सहयोगका बालको उद्धार गरेको जिल्ला प्रहरी कार्यालयका डिएसपी प्रकाश जवेगुले जानकारी दिए ।
शिशुलाई स्थानीय वीरबहादुर देवानको
घरमा सुरक्षित राखिएको छ । ‘स्थानीय तथा जनप्रतिनिधिसँग को–कसले, कसको शिशु
यसरी राखिएको हो भन्नेबारे बुझ्ने कार्य भइरहेको छ,’ डिएसपी जवेगुले भने,
‘बच्चाको अवस्था तत्काल सामान्य छ ।’
