झापा । स्रोत नखुलेको १९ लाख रुपैयाँसहित दुई जना पक्राउ परेका छन्। पक्राउ पर्नेमा दोलखा बिगु गाउँपालिका-४ घर भई कलंकी बस्ने ३५ वर्षीया साबित्री वली र काठमाडौं-२३ न्यूरोड बस्ने २५ वर्षीय सुरेश वली छन्।
काठमाडौं महानगरपालिका वडा नम्बर १४ कलंकीबाट उनीहरूलाइ आइतबार पक्राउ गरेको जिल्ला प्रहरी परिसर काठमाडौंका एसपी नवराज अधिकारीले जानकारी दिए ।
एसपी अधिकारीका अनुसार शंकास्पद कारोबार भइरहेको खबरपछि परिसरबाट टोली खटिएको थियो ।
साबित्रीलाई फेला पारेर जाँच गर्दा उनीबाट १५ लाख नगद बरामद भएको एसपी अधिकारीले बताए । उक्त रकम बैंकमा जम्मा गर्न हिँडेकी थिइन्। सोधपुछ गर्दा भारतीय नागरिकको रहेको र एक वर्षदेखि न्यूरोडमा काम गर्ने गरेको प्रहरीसमक्ष बताएकी थिइन्। कार्यालयमा सुरेशलाई फेला पारी थप चार लाख नगद फेला पारेको हो । उनीहरूमाथि प्रहरीले थप अनुसन्धान अघि बढाएको छ।
