झापा / झापाकाे विर्तामाेडमा खुकुरी प्रहारबाट दुई जना घाइते भएका छन् ।
घाइते हुनेहरुमा विर्तामाेड-१ वरपिपल बस्ने ३५ वर्षीया मला मर्डी र उनकी १५ वर्षीया छाेरी बिनिता मर्डी रहेका छन् । प्रहरीका अनुसार आज बिहान १०ः३० बजेकाे समयमा घाइतेका श्रीमान ३६ वर्षीय बुद्धिलाल मुर्मुले घरायसी बिषयमा विबाद हुदाँ आफ्नै श्रीमती र छोरीलाई धारिलो हतियार खुकुरीले प्रहरी गरी घाईते बनाई फरार रहेका छन् ।
घटनाकाे जानकारि पाउनासाथ इलाका प्रहरी कार्यालय अनारमनीबाट खटिएको प्रहरी टोलिले घटना स्थलबाट खुकुरी बरामद गरेको छ भने घाइते मला र छोरी दुवै जनाको बिर्ता सिटी अस्पतालमा उपचार भईरहेको छ । दुबै जनाको स्वास्थ्य अबस्था मध्यम रहेकाे छ भने खुकुरी प्रहार गर्ने बुद्धिलाललाई खोज तलास भईरहेको जिल्ला प्रहरी कार्यालय झापाले जानकारी दिएकाे छ ।
