झापा । दोस्रो भद्रपुर झापा गोल्डकप आगामी फागुन ७ गतेखि सञ्चालन हुने भएको छ ।
आयोजक भद्रपुर झापा गोल्डकप कार्यसमितिको आइतबार सम्पन्न बैठकले आगामी फागुन ७
गतेदेखि भद्रपुर झापा गोल्डकपको दोस्रो संस्करण आयोजना गर्ने निर्णय गरेको
हो ।
गोल्डकपका अध्यक्ष दिपेश ढकालको अध्यक्षतामा सम्पन्न बैठकले आगामी फागुनमा भद्रपुर झापा गोल्डकपको दोस्रो संस्करण आयोजना गर्ने र त्यसका लागि सम्बद्ध सबै पक्ष जुट्न आह्वान गरेको गोल्डकपका महासचिव जीवनकुमार श्रेष्ठले जानकारी दिए ।
२०७९ मा पहिलो संस्करणमा निकै ठूलो चर्चा र प्रशंसा बटुलेको भद्रपुर झापा गोल्डकपले दोस्रो संस्करण अझ भव्य र थप परिस्कृत हुने गरी तयारी गरिने अध्यक्ष ढकालले बताए ।
झापाको सरकारी
स्वामित्वमा रहेको सुविधायुक्त मेची रंगशालामा आयोजना हुने दोस्रो भद्रपुर
झापा गोल्डकपमा नेपाल र सार्क मुलुकहरुका उत्कृष्ट टिमहरुको सहभागिता
गराउन अधिकतम प्रयास गरिने अध्यक्ष ढकालले बताए । गाेल्ड कप सञ्चालनका लागि अनुमानित खर्चकाे बजेट निर्माण भने बनिनसकेकाे जनाइएकाे छ । पहिलाे संस्करणमा २ कराेड ५० लाख खर्च भएकाे समितिले जनाएकाे थियाे ।
