झापा जिल्लाको बिर्तामोड नगरपालिका–२ स्थित जीवन ढुंगानाले सञ्चालन गरेको ग्रिन पार्क परिसरभित्र रहेको स्वीमिङ पुलमा पौडी खेल्ने क्रममा एक युवकको ज्यान गएको छ।
बिर्तामोड नगरपालिका–३ निवासी ३३ वर्षीय प्रकाश प्रसाई र नगरपालिका–१० निवासी ३३ वर्षीय केशव शिवाकोटी सो पार्कमा घुम्न तथा पौडी खेल्न गएका थिए। सोही क्रममा पौडी खेल्दाखेरी प्रकाश प्रसाईको मृत्यु भएको जानकारी स्वीमिङ पुलका सञ्चालकले साँझ ८:०० बजे इलाका प्रहरी कार्यालय अनारमनीलाई दिएका थिए।
सूचना प्राप्त भएको तत्कालपछि प्रहरी निरीक्षकको कमाण्डमा खटिएको टोली घटनास्थलमा पुगेको र घटनाबारे थप अनुसन्धान भइरहेको प्रहरीले जनाएको छ।
