झापा । पेस्तोल र म्याग्जिनसहित एक जना झापाकाे दमकमा पक्राउ परेका छन् । पक्राउ पर्नेमा दमक नगरपालिका- ८ निवासी ३६ वर्षीय सञ्जीव गजमेर रहेको जिल्ला प्रहरी कार्यालय झापाले जनाएकाे छ ।
प्रहरीले दिएकाे विवरण अनुसार साेमबार बिहान ३ः५५ बजेको समयमा दमक नगरपालिका-५ बानेश्वर हाइट मार्ग जाने भित्री सडक खण्डमा विशेष सूचनाको आधारमा इलाका प्रहरी कार्यालय दमकबाट खटिएको प्रहरी टोलीले को ३८ प ५६४९ नम्बरको स्कुटरलाई रोकी चेकजाँच गर्दा स्कुटरको अगाडि चाबी लगाउने भागको तल सामान राख्ने खाली ठाउँमा लुकाइछिपाई राखिएको मेडइन इटाली लेखिएको पेस्तोल र दुई थान म्याग्जिन फेला परेको जिल्लाका डीएसपी कृष्णकुमार चन्दले जानकारी दिए ।
बरामद पेस्तोल, म्याग्जिन, स्कुटरसहित गजमेरलाई आवश्यक कारबाहीका
लागि इलाका प्रहरी कार्यालय दमकमा राखिएको उनले जनाए । उनले के प्रयोजनका लागि
पेस्तोल बोकेको घटनाबारे प्रहरीले अनुसन्धान गरिरहेको उनकाे भनाइ छ ।
