झापा / झापाकाे अर्जुनधारा नगरपालिका ६ चिया बगानबाट दुई वटा अटाे, दुई जना चालकसहित पाँच लाख बराबरकाे अवैध मालसामान प्रहरीले पक्राउ गरेकाे छ ।
यसरी पक्राउ पर्नेमा मे १ ह ६३५५ न. को टेम्पो तथा चालक झापाकाे मेचिनगर नगरपालिका वडा नं. ७ बस्ने बर्ष ४० को सुबिन्द्र जोगी र मे १ ह ७२९४ न. को टेम्पो तथा चालक भोजपुरकाे हतुवागडी गाउँपालिका ५ घर भई झापाकाे मेचिनगर नगरपालिका वडा नं. ७ बस्ने बर्ष ३५ को भमदल राई रहेकाे जिल्ला प्रहरी कार्यालय झापाले जानकारी दिएकाे छ ।
प्रहरीका अनुसार, गए राति २ बजेको समयमा इलाका प्रहरी कार्यालय अनारमनीबाट खटिएको प्रहरी टोलीले शनिश्चरेबाट बिर्तामोड तर्फ आउँदै गरेको निम्न चालकहरुले चलाएको टेम्पोहरुलाई शंका लागी चेकजाँच गर्ने क्रममा टेम्पोहरु भित्र रहेको पर्दा, साडी, कुर्था सुरुवाल, ढाका लगायतका बिभिन्न किसिमका कपडाहरु अन्दाजी पाँच लाख बराबरको फेला परेकोले टेम्पो र टेम्पो चालकहरुसहितलाई नियन्त्रणमा लिएर अनुसन्धान कार्य जारी रहेको प्रहरीले जानकारी दिएकाे छ ।
