झापा । इलामको रोङ गाउँपालिकाको किटानी भन्ने स्थानमा ४० जना यात्रु
सवार बस दुर्घटना भएको छ । सो दुर्घटनामा १ बालकको मृत्यु भएको प्रहरीले
जनाएको छ ।
इलामका प्रहरी प्रमुख एसपी वासुदेव खतिवडाले अन्दाजी ९–१० वर्षको बच्चाको मृत्यु भएको बताए ।
‘प्रहरीको टोली त्यहाँ पुगेको छ । धनुषाको
धारापानीबाट इलाम घुम्न आएको टोली दुर्घटनामा परेको हो,’ उनले भने, ‘९–१०
वर्ष जतिको एक जना बालक रुखमा ठोक्किएको अवस्थामा देखिन्छ । उनको लगभग
मृत्यु भएको जस्तो देखिन्छ । बाँकी २७ जनाको उद्धार भइसकेको छ । कति जना
गम्भीर र कति सामान्य घाइते छन् भन्ने कुरा खुलेको छैन ।’
