झापा / काठमाडाैंका मेयर बालेन्द्र शाहा झापाकाे क्षेत्र नं. ५ बाट उम्मेदवार उठ्ने सङ्केत देखिएकाे छ ।
हिजाे रास्वपाका सभापति रवि लामिछानेसँगकाे लामाे भेटघाटपछि याे कुरा जनसामु आएकाे हाे ।
झापा गएर केपी ओलीविरूद्ध चुनावमा खडा हुन चाहेको उनी निकट एक नेताले बताएका छन्।
केपी ओलीलाई उनकै निर्वाचन क्षेत्रबाट नहराइकन चुनाव जितेको मज्जा नहुने कुरा बालेनले आफ्ना निकटहरूलाई बताउने गरेका छन्।
'बालेन दाइ ओलीलाई नहराइकन त चुनाव जितेको मज्जा हुँदैन भन्नुहुन्छ,' बालेनसँग निकट सम्पर्कमा रहेका ती नेताले भने, 'उहाँको चाहना ओलीलाई नै हराउने हो।'
बालेन शाहको घर काठमाडौंको निर्वाचन क्षेत्र नम्बर २ स्थित सिनामंगलमा छ। तर उनी कुन ठाउँमा चुनाव लड्छन् वा चुनाव नै लड्दैनन् भन्ने खुलेको छैन। उनी दोधारमा रहेको ती नेताको भनाइ छ।
'कहिले दाइ चुनाव लड्छु भन्नुहुन्छ त कहिले महानगरको कार्यकाल पूरा गर्छु भन्नुहुन्छ,' ती नेताले भने, 'तर अहिले देशका लागि योगदान गर्नुपर्छ भन्ने वरिपरिका साथीभाइको आग्रह स्वीकार गरेजस्तो लाग्छ।'
